Breaking News
Loading...

Good News

Social Media

Advocacy

Entertainment

Tourism

Recent Post

Thursday, April 24, 2014
All In Na Pasabog at Sorpresa sa Muling Pagbubukas ng 'Pinoy Big Brother'

All In Na Pasabog at Sorpresa sa Muling Pagbubukas ng 'Pinoy Big Brother'

Sukdulang pagpapakatotoo at all in na saya, experiences, mga pasabog, at sorpresa ang ihahain ng pinaka-sinusubaybayan at nag-iisang teleserye ng totoong buhay na "Pinoy Big Brother" (PBB) sa muling pagbubukas ng pinakasikat na bahay sa bansa ngayong Linggo (Abril 27).

Sa pinakabagong edisyon na pinamagatang "PBB All In" tampok ang bagong susubaybayang housemates na may edad na 15 hanggang 30 taong gulang na haharap sa iba't ibang challenges at susubukin ang pagpapakatotoo sa loob ng 100 days.

Pangungunahan ang "PBB All In" ng hosts na sina Toni Gonzaga, Bianca Gonzalez, John Prats, Robi Domingo, at ang bagong ka-hang out ni Kuya na si Alex Gonzaga. 

Ngunit bago pa man ang grand kick-off ngayong Linggo ng gabi, may ilang housemates nang unang ipapakilala sa "ASAP 19" at "Buzz ng Bayan."

"Hindi ko alam kung anong pwedeng i-expect ng viewers sa 'PBB' kasi ang lahat na nangyayari sa loob ng bahay, unexpected. Pati kami, inaabangan namin kung ano ang mangyayari, ang bagong tasks, 'yung clash ng iba-ibang personalities," ani Toni.

Nagsimula si Toni bilang host noong unang regular season pa lang ng "PBB," ngunit hanggang ngayon ay excited pa rin daw siya kung ano ang mapapanood nilang bago sa show.

"I was only 21 when I joined 'PBB.' Hindi na siya trabaho para sa akin, kumbaga pangalawang pamilya ko na. Nag-mature at nag-grow ako dito hindi lang bilang host pero bilang tao na rin," dagdag niya.

Katulad ni Toni, matagal na ring nagsilbing mukha ng "PBB" si Bianca. "Ang taas-taas nagsimula ng 'PBB,' at ang challenge sa amin kung paano manatiling interesado ang mga tao sa show," aniya.

"Nagka-ten editions na kami, so ang ibang housemates, feeling nila alam na nila how to play the game. With the new season, gusto naming ibalik ang rawness na mayroon noong season one at ang pagiging totoo ng mix ng housemates," dagdag ni Bianca, na nagsimulang mag-host sa unang teen edition ng programa.

Makakasama ulit ni Bianca sina John at Robi sa "Uber" na mapapanood kada hapon sa Kapamilya Gold, at inaasahang mas magiging kwela pa ito sa pagpasok ni Alex.

"Nagulat kami sa chemistry na nabuo sa 'Uber.' Nagkaroon kami ng certain roles na doon na lang nabuo. Nag-jive ang personalities namin. Ngayong binalik ang 'Uber,' ibig sabihin naging successful kahit paano 'yung ginawa namin," sabi ni John.

Ito raw ay marahil sa nakaka-relate sila sa housemates, ayon pa kay Robi, na itinanghal na second placer ng pangalawang teen edition. Naging housemates naman sa unang celebrity edition sina Bianca at John.

"Hindi naman maiintindihan ng ibang tao ang pinagdadaanan ng housemates, ang mga naging housemate lang ang makakaindinti sa kanila. Ang sarap din na i-reminisce namin ang memories sa loob ng bahay," pahayag ni Robi.

Samantala, masaya naman si Alex na maging bahagi ng "PBB" lalo pa't sinusubaybayan na niya ito simula noong season one.

"Happy ako kasi sa pagbabalik ng 'PBB,' kasama ako. Season one pa lang, fan na ako. Nag-eenjoy akong manood kasi bilang tao, chismosa talaga ako, so nagpapakwento ako kay Ate kung anong nangyari sa confession room, kung ano ang mga nangyaring hindi pinalabas," sabi ni Alex.

Sigurado ring mas magiging involved pa ang mga tagasubaybay ng programa pati na netizens sa mga kaganapan sa loob ng Bahay ni Kuya dahil sa mga pakulo ng show sa social media.

Naging makasaysayan sa history ng Philippine television ang isinagawang kauna-unahang multi-platform auditions ng "PBB All In" kung saan libu-libong aspiring housemates ang dumayo sa auditions nito sa iba't ibang bahagi ng bansa, lumahok sa online auditions at nagpa-fast track sa pilahan sa pamamagitan ng ABS-CBNmobile. 

Saksihan ang pagsisimula ng "Pinoy Big Brother All In" at kilalanin ang pinakabagong housemates nito ngayong Linggo (Abril 27) ng gabi, live sa ABS-CBN. Para sa updates ukol sa programa, sundan lang ang @PBBabscbn sa Twitter, o i-like facebook.com/OfficialPinoyBigBrotherAbsCbn. I-post ang reaksyon online gamit ang hashtag na #PBBALLIN.
Tuesday, April 22, 2014
Post Your Summer Adventure on Instagram, Win Wrangler GCs and Round-Trip Tickets!

Post Your Summer Adventure on Instagram, Win Wrangler GCs and Round-Trip Tickets!

By posting your summer adventure on Instagram with the hashtags #WranglerSunChaser and #Philippines, you could win P8,000.00 worth of gift certificates and the ultimate prize: round trip ticket to the country of your choice!


The #WranglerSunChaser Challenge for this week has the theme: STAY COOL.

Blue. The shade of adventure, blue skies, blue seas and a pair of blue jeans.This week, battle the heat of the midday sun to reach the highest point you see. Sweat with no regret.

Simply post a photo on your Instagram account that best fit this week's theme - "Stay Cool." In the caption, don't forget to include these two hashtags to qualify: #WranglerSunChaser and #Philippines. The more entries you post, the more chances of winning!

If your Instagram photo becomes the winning entry for the week, you'll receive P8,000 of cash vouchers and you will also qualify for the grand prize: Free round-trip ticket and accommodation to the country of your choice! You read it right, that's ANY COUNTRY IN THE WORLD that you would like to wander.

Fore more details, visit www.WranglerSunChaser.com and like their Facebook page: www.facebook.com/WranglerPH.



Last week's theme, by the way, was "Smell Nature." And the winner for the Philippines is Rhaine Pineda. The photo above was her entry. She takes home P8,000 worth of Wrangler cash vouchers and she qualifies for the grand prize: A round-trip ticket and accommodation to the country of choice!

Do you want to win, too? Join the Wrangler Sun Chaser challenge and tag those Instagram photos that best depict your best summer adventure!
Gerald at Sam, Mas Prayoridad Ngayon ang Career

Gerald at Sam, Mas Prayoridad Ngayon ang Career

Nang papiliin sina Sam Milby at Gerald Anderson kung trabaho o buhay pag-ibig, parehong pinili ng leading men ng "Dyesebel" na mas pagtuunan muna ng pansin ang trabaho.


Para sa 29 anyos na si Sam at 25 anyos na si Gerald, tsaka na nila iisipin ang pagpapakasal kapag lumampas na sila ng edad 30. Sa ngayon, mas tututukan daw muna nila ang karera upang makapag-ipon para sa kani-kanilang pamilya at magiging pamilya.

"Gusto kong mas tumagal sa showbiz kaya mas nagsisikap ako. Alam ko na hindi ito permanente kaya kailangang magsipag habang marami pang proyektong dumarating. Kailangan mo itong i-enjoy habang kaya mo pa at gamitin sa tama ang kinikita," pagbabahagi ni Sam sa "Tapatan Ni Tunying" na mapapanood ngayong Huwebes (Abril 24).

Siyam na taon matapos siyang sumali sa reality show na "Pinoy Big Brother" (PBB) noong 2005 at makapasok sa showbiz, nakapagpundar na ng sariling tahanan si Sam. Nagpapatakbo na rin siya ng dalawang negosyo, isang restaurant at isang coffee shop.

Kagaya ni Sam, sa "PBB" rin nagsimula si Gerald noong 2006. Matapos nito ay agad sumikat ang binata at hindi na nawalan ng proyekto sa telebisyon at pelikula.


"Na-inlove ako sa craft ng acting. Sabi ko sa sarili ko, 'Ito na. Ito na yung gusto ko,'" sabi niya.

Dagdag niya, masarap kumita ng pera habang ginagawa ang bagay na nagpapasaya sayo.

"Siyempre yung financial benefits andiyan. Ang buong pamilya ko, okay na okay ngayon dahil sa pagiging artista ko," paliwanag ni Gerald.

Sa ngayon, nakapagpatayo na siya ng sariling bahay sa Maynila at isa pa sa General Santos para naman sa kanyang ina.

Bukod sa makulay nilang pakikipagsapalaran sa showbiz, magbabahagi rin sina Sam at Gerald ng tungkol sa kontrobersyal nilang buhay pag-ibig.

Huwag palampasin ang "Tapatan ni Tunying" (TNT) ngayong Huwebes (Abril 24), sa bago nitong oras na 3:45 PM sa ABS-CBN Kapamilya Gold. Para sa updates, sundan ang @TNTunying sa Twitter at Instagram, o i-like ang www.facebook.com/TNTunying.
Final Four ng 'Biggest Loser Doubles,' Makikilala Na Ngayong Huwebes

Final Four ng 'Biggest Loser Doubles,' Makikilala Na Ngayong Huwebes

Makikilala na ngayong Huwebes (April 24) ang Final Four na magsasagupaan sa grand finale ng "The Biggest Loser Pinoy Edition Doubles" mula sa limang nalalabing contestants ng bigating reality show.


Sinu-sino kaya kina Kayen, Carl, Osie, Francis, at Bryan ang sasabak sa huling weigh-in na pinamagatang "Ang Bigating Pagtatapos" para maglaban-laban sa titulong Pinoy Biggest Loser ngayong Sabado (April 26)?

Bago ilantad ang Final Four, pinagdaanan muna ng limang contestants ang kanilang huling major challenge kung saan inakyat nila ang Mt. Pinatubo. Sa kanilang pag-hike, dala-dala nila ang isang bag na naglalaman ng kabuuang timbang na nabawas nila sa loob ng "Biggest Loser Doubles" camp. Sa bawat isa ng 11 istasyon na kanilang dinaanan bago makaabot sa crater, inihulog nila ang sandbags na katumbas ng timbang na nabawas nila sa bawat weigh-in.

"Ang ganda ng symbolism nito. Bundok, pataas ka, pero hinihila ka pababa ng timbang mo," ani Carl.

Ayon naman sa asawa niyang si Kayen, "Dinadasal ko na lang na makapasok kami ng Final Four dahil 'yun ang maglalagay ng exclamation point sa journey namin ni Carl."

Inalalayan naman ni Francis ang partner niyang si Mommy Osie sa kanilang pag-akyat. Sambit niya, "Kung iisipin mo, during sa stay namin sa camp, may times na naghihilaan kami pataas. This time, ako naman 'yun, tutulungan ko si Mommy Osie para umangat kami nang sabay."

"Ito ang sumpa ng bigat ko at gagawin ko ang lahat para huwag nang balikan 'yun. Alam ko paglabas ko sa camp, bagong buhay ang haharapin ko," sabi ni Mommy Osie matapos nilang marating ni Francis ang crater.

Pinakamabilis namang natapos ni Bryan ang nasabing challenge nang mag-isa, matapos matanggal ang kapatid niyang si Ikya sa kumpetisyon. Pahayag niya, "Iniwan ko na yung dating Bryan. 'Di man ako makasama sa Final 4, ito lang na naabot ko ang final stretch ng challenge, may napatunayan ako sa sarili ko."

Alamin kung sinu-sinong bigatin ang makakapasok sa Final Four ngayong Huwebes (April 24) sa "The Biggest Loser Pinoy Edition Doubles" pagkatapos ng "Aquino & Abunda Tonight" sa ABS-CBN Primetime Bida. Huwag namang palampasin kung sino ang tatanghaling pangalawang Pinoy Biggest Loser sa "The Biggest Loser Pinoy Edition Doubles: Ang Bigating Pagtatapos" ngayong Sabado ng gabi (April 26). Para sa updates ukol sa programa, sundan lang ang @BLPinoyEdition sa Twitter at ang @biggestloserdoubles sa Instagram o i-like angwww.facebook.com/abscbn.biggestloserpinoyedition.
Angel Locsin, Kinikilabutan sa mga Eksena sa 'The Legal Wife'

Angel Locsin, Kinikilabutan sa mga Eksena sa 'The Legal Wife'

Mismong si Angel Locsin ay napapabilib sa mga mapupusok na eksena at matatapang na linyang itinatampok nila sa pinakasinusubaybayang 'TV affair' ng ABS-CBN na "The Legal Wife." 

"Kakaiba ang mga linya na sinusulat ng mga writer namin. Kahit kaming mga artista ay kinikilabutan kahit pagkatapos naming gawin ang mga eksena," ani Angel na kilala na ng mga manonood bilang si Monica Santiago-De Villa, ang misis ni Adrian (Jericho Rosales) na may lihim na relasyon kay Nicole (Maja Salvador).

"Maganda siyang panoorin ng mga mag-asawa at kahit ng mga mag-boyfriend pa lang. Maraming nakaka-relate na viewers sa characters namin. Ako mismo ay maraming  natututunan sa show katulad ng paano i-handle ang pagseselos," paliwanag ng Kapamilya actress. 

Bagama't nauunawaan ang mga manonood na naiinis at nanggigigil kina Adrian at Nicole, nilinaw ni Angel na walang ibang hangarin ang kanilang teleserye kundi ang makapagbahagi ng isang istoryang kapupulutan ng aral. 

"Hindi naman tayo nandito para manghusga. Nandito ang 'The Legal Wife' para maghatid ng isang magandang kwento na magbibigay ng inspirasyon at pag-asa sa mga pamilyang dumadaan sa pagsubok," pahayag ni Angel. 

Magaganap na sa Miyerkules at Huwebes (Abril 23 at 24) ang pinakahihintay na komprontasyon nina Monica, Adrian at Nicole kaya huwag palampasin ang most followed 'TV affair' ng bayan, "The Legal Wife" pagkatapos ng "Ikaw Lamang" sa Primetime Bida ng ABS-CBN. 

Para sa karagdagang impormasyon, bisitahin lamang ang opisyal na website ng programa sawww.thelegalwife.abs-cbn.com at ang social networking sites na Facebook.com/thelegalwife2013, Instagram.com/iam_thelegalwife, at Twitter.com/IAmTheLegalWife.
Copyright © 2013 Pinoy Power All Right Reserved