Breaking News
Loading...

Good News

Social Media

Advocacy

Entertainment

Tourism

Recent Post

Tuesday, July 22, 2014
Kapamilya Stars at Programs, Nanguna sa Yahoo! Celebrity Awards 2014

Kapamilya Stars at Programs, Nanguna sa Yahoo! Celebrity Awards 2014

Muli na namang nagningning ang mga personalidad at programa ng ABS-CBN sa Yahoo! Celebrity Awards matapos mauwi ng mga ito ang pinakamaraming bilang ng tropeyo sa idinaos na awards night kamakailan, sa pangunguna ng teleserye princess na si Kim Chiu.

Nakatanggap ng pinakamaraming online at Kakao Talk votes si Kim para tanghaling Celebrity of the Year at Actress of the Year. Pinatunayan din ng fans nila ni Xian Lim ang kanilang pagmamahal para sa kanilang idolo dahil wagi sa ikalawang magkasunod na taon ang KimXi bilang Fan Club of the Year, habang panalo naman ang pinagbidahan nilang "Bride for Rent" bilang Movie of the Year.

Pinarangalang Social Media Star of the Year si Vice Ganda, habang itinanghal namang Love Team of the Year ang kanilang onscreen tandem ng "It's Showtime" co-host na si Karylle.

Nakuha naman ng top-rating primetime soap na "Ikaw Lamang" ang Teleserye of the Year award, samantalang kinilala rin ang mga bida nitong sina Coco Martin at Jake Cuenca bilang Actor of the Year at Male Kontrabida of the Year.

Pinangalanan naman si Kris Aquino bilang ang Female TV Host of the Year, si Vhong Navarro bilang Male TV Host of the Year, si Julia Barretto bilang Female Emerging Star, si JC de Vera bilang Male Emerging Star for, at si Andrea Brillantes bilang Child Star of the Year.

Samantala, nanguna sa botohan ang "The Voice Kids" coaches na sina Sarah Geronimo at Bamboo sa kategoryang Female at Male Performers of the Year. Natamo naman nina Gretchen Ho, ang host ng programang "Team U" ng ABS-CBN Sports + Action at DJ Chacha ng MOR 101.9 ang Female Hothlete of the Year at Female DJ of the Year awards.

Muli ring nagwagi ang "TV Patrol" bilang ang News Program of the Year.

Ang Yahoo! Celebrity Awards, ang dating Yahoo! OMG Awards, ay isa sa mga pinakamalaking awards show sa bansa na kinikilala ang mga pinakapopular na personalidad at programa sa musika, pelikula, radyo, at telebisyon.
Friday, July 18, 2014
'Hawak Kamay' Magbibigay Inspirasyon sa mga Pamilya Simula Lunes

'Hawak Kamay' Magbibigay Inspirasyon sa mga Pamilya Simula Lunes

Paano mababago ng responsibilidad ng pagigng ama sa tatlong ampon ang buhay ng isang lasenggong nangangarap maging sikat na musikero?

Ito ang magiging tanong sa bagong family drama ng ABS-CBN na "Hawak Kamay" na malapit nang mag-premiere, kung saan mapapanood ang pagbabalik ni Piolo Pascual sa mundo ng teleserye pagkatapos ng tagumpay ng kanyang nakaraang pelikulang "Starting Over Again".

Makakasama ni Piolo sa "Hawak Kamay" ang tatlo sa mga pinakamahuhusay na child star ng bansa na sina Zaijan Jaranilla, Andrea Brillantes, at Xyriel Manabat. Ipinakikilala rin sa "Hawak Kamay" ang bagong child star na si Yesha Camille, na naging Grand i-Shiner matapos i-mentor ni Piolo sa pangalawang season ng Promil Pre-School i-Shine Talent Camp.

Ang "Starting Over Again" co-star din ni Piolo na si Iza Calzado ay kasama sa cast, pati na rin ang singer-actress na si Nikki Gil, ang "Banana Split: Extra Scoop" at "Banana Nite" mainstay na si Ryan Bang, ang "She's Dating the Gangster" cast member na si Sofia Andres, ang former Pinoy Big Brother housemate na si Axel Torres, at ang nagkaka-comeback na si Victor Neri.

Ang "Hawak Kamay" ay kwento ni Gin (Piolo Pascual) na isang lasenggong bumibitaw na sa pangarap niyang maging sikat na musikero. Dahil sa isang aksidente, mapupunta kay Gin ang responsibilidad na kunin ang tatlong batang in-adopt ng kanyang namatay na kapatid: sina Emong (Zaijan Jaranilla), Dara (Xyriel Manabat), at Ningning (Yesha Camile). Ang set-up na ito ay babantayan ng isang matapang na attorney, si Bianca (Iza Calzado) at ng kanyang kapatid na si Lorrie (Andrea Brillantes), na makakakita kung tama ba si Gin para sa tatlong mga bata. Sa paghaharap nilang lahat sa iba't ibang bagay ay unti-unting malalaman nila kung ano ba talaga ang importante sa buhay at kung ano talaga ang ibig sabihin ng pagiging bahagi ng isang pamilya.

Sa Linggo (July 20) isang araw bago mag-premiere ang serye ay pwedeng makasama ng live ang cast ng "Hawak Kamay" na sina Piolo, Iza, Zaijan, Xyriel, Andrea, at Yesha sa isang mall show na gaganapin sa Fairview Terraces ng 4:00pm.

Huwag palampasin ang simula ng kwento ng "Hawak Kamay" na mapapanood simula Lunes (Hulyo 21) pagkatapos ng "TV Patrol" sa ABS-CBN. Para sa mga update, sundan ang opisyal na website ng "Hawak Kamay" (hawakkamay.abs-cbn.com), i-like ang "Hawak Kamay" sa Facebook (www.facebook.com/HawakKamayTV), at sundan ang "Hawak Kamay" sa Twitter at Instagram (@HawakkamayTV).
Tuesday, July 15, 2014
High School Grad and Self-Made Millionaire in 'My Puhunan'

High School Grad and Self-Made Millionaire in 'My Puhunan'

Broadcast journalist Karen Davila shares how a high school graduate who has shown entrepreneurial instinct since she was a child made millions in My Puhunan" bukas (July 16).

Sally Perez grew up in the shadows of her five siblings who were all honor students. His father would always bring her down and doubted that she would ever achieve anything.

Sally learned to make it out on her own when she was just in Grade 3, when her father stopped sending her to school. She also started selling sago, mangoes, and candy for her own school allowance.

Sally finished high school on her own and made a living selling imported hats in Baclaran.

With a small capital of P2,000, she purchased two small second-hand sewing machines which she used to make more hats and headpieces. This was the beginning of what is now known as "Perez Headwear," which supplies products to some of the biggest department stores in the country.

Don't miss "My Puhunan" this Wednesday (July 16), 4PM on ABS-CBN. For updates, follow @mypuhunan and @MutyaNgMasa on Twitter or like www.facebook.com/MyPuhunan and www.facebook.com/MutyaNgMasa.
Monday, July 14, 2014
Vigan Makes It to Top 21 of New7Wonders Cities

Vigan Makes It to Top 21 of New7Wonders Cities

Source: Good News Pilipinas

Vigan in Ilocos Sur has advanced to the next round of an international search for the world's new seven wonder cities.

New7Wonders Cities said Vigan is among the 21 finalists voted through to the next round of the campaign.
Filipinos and tourists who have experienced the beauty of Vigan, cast your vote in the penultimate voting stage that will run until Oct. 7.

Votes may be sent via:

website: new7wonders.com, via the iPhone and Android apps
international telephone voting lines.
where available, via national SMS.

After Oct. 7, the list will be further narrowed to 14, and the 7 Official New7Wonders Cities will be revealed on December 7.

Aside from Vigan, the 20 other official finalists are Bangkok, Barcelona, Beirut, Chicago, Doha, Durban, Havana, Istanbul, Kuala Lumpur, La Paz, London, Mendoza, Mexico City, Mumbai, Perth, Quito, Reykjavik, Saint Petersburg, Seoul, and Shenzhen.

New7Wonders Foundation founder-president Bernard Weber said the diversity of the remaining cities is "remarkable in terms of regional geography and urban culture."

Weber lauded those involved in the individual city campaigns, and praised the voters for contributing to the success of the New7Wonders Cities initiative.

The New7Wonders Foundation also started the New7Wonders of Nature initiative from 2007 to 2011. Another Philippine location, the Puerto Princesa Underground River, was named to the list.

Vigan has been inscribed in the World Heritage List by the United Nations Educational, Scientific and Cultural Organization (UNESCO) since 1999.

According to UNESCO, the city "represents a unique fusion of Asian building design and construction with European colonial architecture and planning." It was included on the heritage list for being "an exceptionally intact and well preserved example of a European trading town in East and South-East Asia."


Thursday, July 3, 2014
ABS-CBN, Nangunguna Pa Rin sa Buong Bansa Noong Hunyo

ABS-CBN, Nangunguna Pa Rin sa Buong Bansa Noong Hunyo

Mas pinanood pa rin ang ABS-CBN sa mas maraming kabahayan sa buong bansa noong Hunyo matapos pumalo ang average audience share nito sa 45%, o 13 puntos na mas mataas sa 32% ng GMA, base sa datos ng Kantar Media.

Mas mapagkakatiwalaan ang datos ng Kantar Media na batay sa 2,609 na kabahayan sa parehong urban at rural areas sa bansa. Mas marami at eksakto kaysa sa service provider ng ibang networks, ang AGB Nielsen, na mayroong 1,980 kabahayan na nakabase lamang sa mga urban area.  Kinakatawan ng Kantar Media ang 100% ng mga kabahayang may telebisyon sa Pilipinas, habang umano'y 57% lamang ang kinakatawan ng AGB Nielsen dahil hindi kasama ang rural areas sa datos nito.

Lumabas din sa datos ng Kantar Media nitong Hunyo na mas maraming manonood ang kumapit sa mga programa ng ABS-CBN sa buong araw dahil nanguna ito sa lahat ng time blocks.

Ang Umaganda (6AM-12NN) ng ABS-CBN ay nagkamit ng average audience share na 39%, habang may 34% naman ang GMA. Isa ang patok na game show na "The Singing Bee," na may national TV rating na 12.9%, sa nag-ambag sa lamang na ito sa kabila ng paglulunsad ng bago nitong kalaban na "Basta Everyday Happy" (4.9%).

Nakakuha ng average audience share na 40% ang ABS-CBN para sa early afternoon block (12NN-3PM) nito, habang may 32% ang GMA. Siyam na puntos namang mas mataas ang ABS-CBN (42%) pagdating sa late afternoon block (3PM-6PM) kontra sa GMA (33%).

Hindi pa rin natitibag ang Kapamilya network pagdating primetime block (6PM-12MN) na may average audience share na 51%, o 21 puntos na mas lamang sa 30% ng GMA. Ang patuloy ng pamamayagpag ng Primetime Bida ay bunsod ng mga dekalidad nitong teleserye kabilang na ang "The Legal Wife" na nagwakas noong Hunyo 13 sa record breaking national TV rating na 36.2%. Patuloy namang nag-aagawan ang "Dyesebel" at "Ikaw Lamang" sa una at ikalawang pwesto sa listahan ng mga pinakapinapanood na programa tuwing weekdays. Mainit namang sinalubong ng mga manonood ang "Sana Bukas Pa Ang Kahapon" ni Bea Alonzo noong Hunyo 16 sa national TV rating na 21.7%

Ang primetime ang pinakamahalagang timeblock dahil sa mga oras na ito may pinakamaraming nanonood kung kaya't importante ito sa advertisers na naglalagay ng patalastas para maabot ang mas nakararaming Pilipino sa buong bansa.

Muling pumatok ang pagbabalik ng legal drama seryeng "Ipaglaban Mo" na hango sa mga tunay na pangyayari. Patunay nito ang average national TV rating na 13.8%, o halos doble sa nakuha ng kalabang "GMA Tales of Horror" na may 7%.

Nakamit naman ng "The Voice Kids" ang all-time high national TV rating nito na 37.6% noong Hunyo 8. Ang naturang singing reality show din ang nanguna sa listahan ng 15 pinakapinanood na programa sa bansa noong Hunyo sa national TV rating na 35.6%.

Sa kabuuan, 13 programa sa nasabing listahan ay mula sa ABS-CBN kabilang na ang "Dyesebel" (31%), "Ikaw Lamang" (30.7%), "Maalaala Mo Kaya" (30%), "The Legal Wife" (28.8%), "Wansapanataym" (28%), "TV Patrol" (26.8%), "Rated K" (23.3%), "Sana Bukas Pa Ang Kahapon" (21.4%), Mirabella (19. 6%), "Home Sweetie Home" (18.8%), "Goin' Bulilit" (18.7%), at "It's Showtime" tuwing Sabado (16.5%).

May 26 na TV networks, ad agencies, at pan-regional TV networks ang kasalukuyang naka-subscribe sa ratings services ng Kantar Media na kilala sa buong mundo bilang isang kumpanyang sumusukat at nananaliksik ng mga manonood ng telebisyon.  Kabilang sa subscribers nito ang ABS-CBN, NBN, Sky Cable, J. Romero and Associates, 720ConsumerConnect, Starcom, OMD, PhD, Mediacom, Mindshare, MEC, Maxus, Universal McCann, Wellmade Manufacturing Corporation, Brand Ideas, and MPG Havas. Naka-subscribe rin sa kanila ang pan-regional networks tulad ng CSM Media Inc., Fox International Channels, Star HK, Discovery, AXN, HBO, MTV, Sony Pictures Television International, Celestial Tiger, and A&E Television Network. Sa nasabing mga ahensya at kumpanya, naka-subscribe sa parehong urban at rural TV audience measurement surveys ang ABS-CBN, Brand Ideas, MPG Havas, at 720ConsumerConnect.
Copyright © 2013 Pinoy Power All Right Reserved